குறுந்தொகை #12

குறுந்தொகை #12 எளிய வடிவில்

.

.

இனிதே வாழ்ந்து

இன்பக்கடலில் நனைந்து

இழிசொல் அஞ்சி

இல்துணை விஞ்சி

இருப்பிடம் துறந்து

இரையது தேடி

கள்வர்கள் வாழும்

கடுநிலம் வழியே

கண்காணா தேசம்

கடந்தே போயினன்

.

வழியில் வளமில்லை

வாழும் தடமில்லை

தாகம் தணிக்க-நீர்

தேக்கம் தெண்படவில்லை

எறும்பின் வளையொத்த

அறும்பு சுனை நீரே

பருக பயனூறும்

பாலை நிலத்தூடே

.

செல்லும் வழியெலாம்

கொல்லும் வெயில் தொல்லை

கொல்லன் உலைக்களத்து

கொதிக்கும் பட்டடைக் கல்லாய்

தகிக்கும் கருங்கல் பாறையில்

தனுசேந்தும் வேடர்

தமதம்பை தீட்டிடுவர்

பாதை பலவாக பிரிந்தே

பயணம் பயமாகி விட்டதோ

.

எப்படி என்னவன் சென்றனை

எண்ணியே பெற்றனள் வேதனை

இதையறியா இவ்வூர் மக்களோ

எனையன்றோ ஏளனமாய் ஏசினர்

எதுவாயினும்

என் காதல் தலைவனவன்

தடையின்றி தளம்சேர

தாயம்மா துணை நிற்பாளே!!!!

.

#வாஞ்சிவரிகள்#

.

குறுந்தொகை #12

.

எறும்பி யளையிற் குறும்பல் சுனைய

உலைக்கல் அன்ன பாறை ஏறிக்

கொடுவில் எயினர் பகழி மாய்க்கும்

கவலைத் தென்பவர் சென்ற ஆறே

அதுமற் றவலங் கொள்ளாது

நொதுமற் கழறுமிவ் வழுங்க லூரே.

.

பாடியவர்: ஓதலாந்தையார்