குறுந்தொகை #3

குறுந்தொகை #3 எளிய வடிவில்

மலையரசி மடியில் தவழ்ந்து

ஈராறு ஆண்டிற்கொருமுறை பிறந்து  

கருங்காம்பு நுனியில் கவிழ்ந்து

குறிஞ்சிப்பூ பெற்றடுத்த தேசத்து

கொம்புத்தேன் களிப்போடு குடித்து

செம்புத் தோள் புடைத்த என் தலைவா !

நின்பால் கொண்ட நட்பு அளவிடற்கரியது

நினைப்பிற்கு அப்பால் நீண்டு நிற்கும்

நிலத்தினும் பெரிது

விஸ்வரூபம் எடுத்தாலும் விரிந்து கிடக்கும்

வானினும் உயர்ந்தது

பூமித்தாயின் அடியை தொட்டு உரசும்

பெருங்கடலின் பேராழத்தை விட பெரியது !!

#வாஞ்சிவரிகள்#

குறுந்தொகை 3, தேவகுலத்தார் , குறிஞ்சித் திணை - தலைவி சொன்னது

நிலத்தினும் பெரிதே, வானினும் உயர்ந்தன்று,

நீரினும் ஆரளவின்றே , சாரல்

கருங்கோல் குறிஞ்சிப் பூக் கொண்டு

பெருந்தேன் இழைக்கும் நாடனொடு நட்பே.