குறுந்தொகை #8

குறுந்தொகை #8 எளிய வடிவில்

.

.

வளமாய் விளையும் வயலும்

குளமாய் நிறைந்த குடியும்

செழித்து குலுங்கும் மாமரத்தில்

பழுத்து விழுந்த கனியை   

நோகாமல் கவ்வும் வாளைமீன் கூட்டம்   

போகாமல் பொய்யாய் சேர்ந்திடும் கூட்டம்  

மா தென்னை கொஞ்சிடும் ஊரான்

மாதென்னை வஞ்சித்து  வாரான்

.

என்னவெலாம் செய்தனை  என்னில்

சொன்னதெலாம் புரிந்தாய் முன்னில்

ஆசையில்  அணைத்தனை கட்டிலில்  

நிராசையில்  பிரிந்தனை இக்கட்டில்

பகலில் செய்வாய் சொல்வதை  

இரவிலே செய்வாய் சொல்லாததை

.

புதல்வனின் தாயிடத்து இங்கே

முதல்வனின் வீரம் போனது எங்கே

ஆடி முன் ஆடிடும் பொம்மையோ

நாடி பின் போனது உண்மையோ

மைதீட்டிய  மையலில் மயங்கியே   

கைகட்டி நின்றனன் தயங்கியே.

.

.

#வாஞ்சிவரிகள்#

.

.

குறுந்தொகை #8

.

கழனி மாஅத்து விளைந்துகு தீம்பழம்

பழன வாளை கதூஉ மூரன்

எம்மிற் பெருமொழி கூறித் தம்மிற்

கையும் காலும் தூக்கத் தூக்கும்

ஆடிப் பாவை போல

மேவன செய்யுந்தன் புதல்வன் தாய்க்கே.