குறுந்தொகை #15

குறுந்தொகை #15 எளிய வடிவில்

.

.

வைகறை எழுந்து

ஞாயிறு தொழுது

மண்குடம் சுமந்து

குளக்கரை போன-என்

குலவிளக்கை

கண்டனளோ உந்தன்

சின்னவளே

செப்பினளோ சேதி

உன்னிடத்தே

.

மெல்லிய இடை

துள்ளிய நடை

ஒலிக்கும் கைவளை

ஜொலிக்கும் சிலை

செதுக்கா ஓவியம்

சென்றனள் அவனொடு

.

காலில் கழலொடு

கையில் வேலொடு

செம்மை இலையொடு

செறிந்த மார்பினன்

பாலை நாடனொடு

மாலை சூடினள்

.

முதிர்ந்த தோர்

ஆலமரத்தடியில்

மூத்த கோசர்

குலத்தலைமையில்

முரசு முழங்க

சங்கு ஒலிக்க

நாட்டினர் வாழ்த்த

பூட்டினன் தாலி

அட்சதை தூவி

தட்டினர் கரவொலி

.

.

#வாஞ்சிவரிகள்#

.

குறுந்தொகை #15

.

பறைபடப் பணிலம் ஆர்ப்ப இறைகொள்பு

தொன்மூ தாலத்துப் பொதியிற் றோன்றிய

நாலூர்க் கோசர் நன்மொழி போல

வாயா கின்றே தோழி ஆய்கழற்

சேயிலை வெள்வேல் விடலையொடு

தொகுவளை முன்கை மடந்தை நட்பே.

.

பாடியவர்: ஔவையார்