குறுந்தொகை #14

குறுந்தொகை #14 எளிய வடிவில்

.

.

தேவதையே உன்நேசம்

தேடிவந்தேன் உன்தேசம்

கூடிவரும் வேளை

ஓடிவிட்ட கோழை

வருவேன் வாசல் மானே

தருவேன் தாரம் நானே

உரைமின் தோழி

கரையும் மனதை

.

தித்திக்கும் அமிழ்தம்

எத்திக்கும் இனிக்கும் செந்நா

முத்துப் பற்கள்

குத்தும் கூராய்

வெட்டும் என அஞ்சி

சொட்டும் சொல்-தேனாய்

கொட்டும் கொஞ்சி

.

எத்துயர் வரினும்

என்னுயிர் தேவிநீ

அத்துயர் முறித்தே

உன்னுயிர் அடைவேன்

.

சாம்பல் பூசி

எருக்கம் சூடி

உன்னுரு ஏந்தி

பனங்குதிரையில்

தோழர் வடம்பிடித்து

தெருவெலாம் ஊர்வலமாய்

பவனி வந்து மடலேறி

உன்கரம் பிடிப்பேன்

ஊருக்கு உரைப்பேன்

உண்மைக் காதல் இதுவென்று

உரைத்தல் கண்டு நாணமாய்

உயர்வாய் வாழ்வோம் மானமாய்

.

.

#வாஞ்சிவரிகள்#

.

குறுந்தொகை #14

.

அமிழ்துபொதி செந்நா அஞ்ச வந்த

வார்ந்திலங்கு வையெயிற்றுச் சின்மொழி அரிவையைப்

பெறுகதில் அம்ம யானே பெற்றாங்

கறிகதில் அம்மவிவ் வூரே மறுகில்

நல்லோள் கணவன் இவனெனப்

பல்லோர் கூறயாம் நாணுகஞ் சிறிதே.

.

பாடியவர்: தொல்கபிலர்