#131 கம்பன் எளிய தமிழில்

#131 கம்பன் எளிய தமிழில்

.

பதிப்பு 1:

.

சாவடி மண்டிய சாலைகளும்

பூமலை தூவிய தோரணமும்

பொன் செறிந்த மண்டபமும்

மலர் சொரிந்து மிளிர்ந்திடும்

.

கற்றவர் குழுமும் கூடங்களும்

மற்றவர் கூடும் மாடங்களும்

மன்னவர் போற்றும் மன்றங்களும்

வான்புகழ் பெற்ற மாடமாளிகைகள்

.

பளிங்கு பரப்பிய தளங்களும்

பளிச்சிடும் பவளத் தரைகளும்

குவிந்து ஒளிரும் குன்றுகளும்

ரத்தினம் விரித்த குட்டிமமும்

.

விருந்தினர் வியக்கும் வாசலும்

பெருமக்கள் புகழும் முற்றமும்

நித்திலம் நிறைந்த இடைகழிகள்

முத்துப்பந்தர் மூடிய முன்றில்கள்

.

குட்டிமம் - தரை

இடைகழி, முன்றில் - முற்றம்

.

#வாஞ்சிவரிகள்#

.

பொன் திணி மண்டபம் அல்ல. பூத்தொடர்

மன்றுகள்; அல்லன மாட மாளிகை;

குன்றுகள் அல்லன மணி செய் குட்டிமம்;

முன்றில்கள் அல்லன முத்தின் பந்தரே.

#131 கம்பன் எளிய தமிழில்

.

பதிப்பு 2:

.

பொன்னிழைத்த மண்டபமில்லை பேரறைகளுமில்லை

       பூமலை சொரிந்த மலர்ச்சாவடிகள்

மன்றங்களில்லை நான்மாடக் கூடங்களுமில்லை

       வான்புகழ் எய்திய மாடமாளிகைகள்

குன்றுகளில்லை பளிங்குத் தளங்களுமில்லை

       பவளமும் இரத்தினமும் இழைத்த குட்டிமங்கள்

முன்றில்களில்லை முகிலுரசும் முற்றங்களுமில்லை

       நித்திலம் நிறைந்த முத்துப்பந்தராய் இடைகழிகள்

.

#வாஞ்சிவரிகள்#

.

குட்டிமம் - தரை

இடைகழி, முன்றில் - முற்றம்

.

பொன் திணி மண்டபம் அல்ல. பூத்தொடர்

மன்றுகள்; அல்லன மாட மாளிகை;

குன்றுகள் அல்லன மணி செய் குட்டிமம்;

முன்றில்கள் அல்லன முத்தின் பந்தரே.