குறுந்தொகை #25

குறுந்தொகை #25 எளிய வடிவில்

.

.

நட்டநடு சாமத்தில்

ஒட்டுப்பாறை ஓரத்தில்

நான்மட்டும் தனித்திருக்க

மாமனோடு இனித்திருக்க

ஊதாப்பூ சேலையில்

மாராப்பு மறைத்திருக்க

பட்டுவண்ண ரவிக்கையில்

சிட்டுமனம் தவிக்கையில்

.

ஊரெல்லாம் உறங்கையில்

உசுரு ரெண்டு கிறங்கையில்

சொக்கி நிக்கும் வேளையில்

கொக்கி போட்டு இழுத்தியே

முகம் சிவக்கும் முந்தியே

வாக்கு ஒன்னு தந்தியே

முடிஞ்சு வச்ச முந்தியே

நெஞ்சு அடிச்ச தந்தியே

.

கை விடக் கெஞ்சியும்

கைவிடேனென சொல்லியே

உறுதிமொழி அளித்தெனை

உலகை மறக்க வைத்தாயே

தவளைச்சத்தம் கேட்கையில்

தலைவனோடு வேட்கையில்

தவசுக் காதல் கலைந்தது

தனுசு அச்சு முறிந்தது

.

களவு செய்து சென்ற என்

கள்வன் எங்கும்  காணோமே

காட்சி கண்ணில் தெரிந்துமே

சாட்சியின்றி தவிக்கிறேன்

.

ஓடுகின்ற நதியிலே

நாடி வந்த நாரையது

அடித்தினை குறுத்தாய்

நெடித்த ஒரு காலாய்

பிடித்து உண்ண ஆரலை

ஒதுங்கி நிற்க  ஆவலாய்

நேரில் நின்ற  சாட்சியது

ஊரில் எவரும் கேட்டால்

உதவ வருமா குருகதுவும்

உள்ளம் மருகுதே ஓயாமல்

.

#வாஞ்சிவரிகள்#

.

குறுந்தொகை #25

.

யாரும் இல்லைத் தானே கள்வன்

தானது பொய்ப்பின் யானெவன் செய்கோ

தினைத்தாள் அன்ன சிறுபசுங் கால

ஒழுகுநீர் ஆரல் பார்க்கும்

குருகும் உண்டுதான் மணந்த ஞான்றே.

.

பாடியவர்: கபிலர்