#127 கம்பன் எளிய தமிழில்

#127 கம்பன் எளிய தமிழில்
.
வடிவம் #1
.
மலையரசி மடியினில் தழுவி
மலையருவி சிலிர்த்தது போல்
மாதரசி மார்பினில் தவழும்
மணிமாலைகள் ஒளிர்தலும்
மாடத்தில் இருந்து தரையில் தவழும்
முத்துமாலைகள் அசைவதும்
.
மலைராணி நனைத்த சீலைகள் காய
தலைமேல் பறக்கும் முகில்கள் போல்
மங்கல மங்கையர் பட்டுடுத்தி
பொங்கலிட்டு களிப்பதும்
மாளிகை வாசலில் அசையும் கொடிகள்
வளியில் மிதந்து வான் மறைக்கும்
.
மலைமகள் தரித்த பொன்னும் மணியும்
மலைமேல் குவிந்து மெருகேற்றுதல் போல்
குலமகள் கழுத்தில் தங்கமும் வைரமும்
பலவகை மணிகளும் பரவியும்
பன்மணித் திரளும் பொன்குவியலும்
இறைந்து கிடக்கும் மா மனை முழுதும்
.
மலைமாதின் அழகில் மயங்கி
தோகைவிரித்தாடும் மயில்கள் போல்
மாலைப்பொழுதின் மயக்கத்தில்
காலைவிரித்தாடும் நங்கையர் கூட்டம்
.
அருவியும் முத்துமாலையும் ஒத்து
முகிலும் கொடியும் ஒத்து
பொன்னும் மணியும் ஒத்து
மயிலும் மங்கையரும் ஒத்து
ஒளிரும் மலை போல்
மிளிரும் மாளிகைகள் உடையது அயோத்தி !!!!
.
வளி - காற்று
மா மனை- பெரிய மனை
.
வடிவம் #2
.
நீர் அருவியை போல் தாழ்ந்து
அசையும் முத்துமாலைகளை உடையவை
பரந்த மேக கூட்டத்தை ஒத்த கொடிகள் பரவியுள்ளவை
பெரிய மணிகளின் குவியல்களை உடையன
பசும்பொன் குவைகளை உடையன
வடிவொத்த மயில் கூட்டங்கள் உடையன
இவையெல்லாம் சேர்ந்து அம்மாளிகைகள்
மலையை ஒத்திருந்தன
.
#வாஞ்சிவரிகள்#
.
அருவியின் தாழ்ந்து. முத்து அலங்கு தாமத்த;
விரி முகிற்குலம் எனக் கொடி விராயின;
பரு மணிக் குவையன; பசும் பொன் கோடிய;
பொரு மயில் கணத்தன;- மலையும் போன்றன.